November 25th

Septimo Kalendas Decembris. Luna decima. Alexandriae in Aegypto, sanctae Catharinae, uirginis et martyris, quae, ob fidei Christianae confessionem, sub Maximino imperatore, in carcerem trusa, et postmodum scorpionibus diutissime caesa, tandem capitis obtruncatione martyrium compleuit. Ipsius corpus, in montem Sinai mirabiliter ab Angelis delatum, ibidem, frequenti Christianorum concursu, pia ueneratione colitur.